Kalyn Salliwan Bilen Duşuşdy

Duşuşykda Türkiýe-ABŞ syýasy we ykdysady gatnaşyklary, goranyş senagaty boýunça hyzmatdaşlyk ugurlary, Ukrainadaky soňky ýagdaýlar, Şwesiýanyň we Finlandiýanyň NATO agzalyk tapgyrlary, Egeý we Ortaýer deňizleri bilen Günorta Kawkazdaky soňky wakalar bilen bilelikde sebitletin meseleler seljerildi.

İki ýurduň arasynda Strategik mehanizmiň iş ýüzüne geçirilmegi bilen bilelikde umumy bähbitler esaasynda hyzmatdaşlyk ugurlarynyň giňeldilmegi boýunça islegler beýan edildi.

Türkiýäniň F-16 harby uçarlary boýunça bildiren talabynyň ýerine ýetirilmeginiň iki ýurduň strategik bähbitlerine goşant goşjakdygy nygtaldy.

Türkiýäniň NATO-da eýeleýän möhüm pozisiýasyna üns çekilen duşuşykda, ýaranlaryň umumy howpsuzlyk wehimlerine we ähli terror wehimlerine garşy utganaşykly hem-de arkalaşykly hereket etmelidigi bellenildi.

Egeý we Ortaýer deňizleri meselelerinde Türkiýäniň hukuklaryny we bähitlerini  goramakda egilşik etmejekdigi nygtalyp, Gresiýanyň halkara hukuk kadalaryna bap gelmeýän we agressiw çemeleşmeleriniň kabul edilmesizdigi beýan edildi.

Global howpsuzlyga we durnuklylyga wehim salýan Ukrainadaky wakalaryň halkara hukuk kadalaryna laýyklykda dessine bes edilmegi üçin diplomatik tagallalaryň güýçlendirilmeginiň möhümdigine üns çekildi.