Prezident Erdogan Bosniýa-Gersegowina Bardy

Prezident R. T. Erdogan, kärdeşleriniň çakylygyna laýyklykda sentaýbr aýynyň 6-8- si aralygynda Bosniýa-Gersegowinada, Serbiýada we Horwatiýada saparda bolar.

Resmi sapar bilen Bosniýa-Gersegowina giden Prezident Erdogan, Prezidiumyň öňünde Prezidiumyň başlygy Sefik Žaferowiç tarapyndan garşylandy.

Prezidiumnyň agzalary bilen duşuşan Prezident Erdogan toparara gepleşiklere gatnaşar.

Erdogan saparynyň çäginde Bosniýa-Gersegowinanyň Wekiller Mejlisiniň we Bosniýa-Sersegoinanyň Halklar mejlisiniň agzalaryny kabul eder. Kowaçi şehitligine baryp görer we işewür maslahatyna gatnaşar.

Prezidentiň ýanyndaky Kommunikasiýalar edarasyndan berlen beýannama görä, Prezident Erdoganyň resmi saparynyň çäginde geçiriljek gepleşiklerde ýokarda ady agzalýan üç ýurt bilen Türkiýäniň arasyndaky özara gatnaşyklar ähli taraplaýyn ara alnyp maslahatlaşylar.

Balkanlarda başdan geçirilýän soňky wakalar bilen birlikde sebitara we halkara meseleler saparyň gün tertibinde esasy orun eýeleýär.

Saparyň çäginde üç ýurtda hem işewür maslahatlary geçirler. Prezident Erdogan Horwatiýanyň Sisak şäherinde Yslam medeniýet merkeziniň açylyş dabarasyna gatnaşar.