Stambulda gallanyň eksporty bilen bagly ylalaşyga gol çekmek dabarasy geçirildi

Prezident Erdogan: "Gallanyň eksporty bilen bagly üstünde ylalaşyk gazanylan ylalaşyk resminamasy bilen dünýäde milliardlarça adamyň garaşýan açlyk howpunyň öňüniň alynmagyna goşant goşarys" diýip bellediGallanyň eksporty bilen bagly ylalaşyk resminamasyna gol çekmek dabarasy Prezident Erdoganyň, Ukrainadan we Russiýadan gelen taraplaryň we BMG-nyň Baş sekretary Antoniu Guterrişiň gatnaşmagynda şu gün Stambulda geçirildi. 

"Bütin dünýäni eýýäm ençeme wagt bäri alada goýan global azyk krizisiniň çözüwinde uly rol oýnajak bir başlangyja goşant goşmagyň hakly buýsanjyny başymyzdan geçirýäris" diýip aýdan Prezident Erdogan: "Öňümizdäki günlerde başlajak galla eksporty bilen Gara deňizden dünýäniň ençeme ýurduna täze bir dem alyş ýoluny açydygymyz bolar" diýip belledi. 

Prezident Erdogan: "Gämileriň ýola çykmagyndan başlap, howpsuz bir ýagdaýdaky eksportyna we meýilleşdirilen porta barýança çenli ähli tapgyr boýunça üstünde ylalaşyk gazanyldy. Bu örän möhüm meýilnamanyň ýerine ýetirilişi we gözegçiligi, Stambulda dörediljek bilelikdäiki koordinasiýa merkezi tarapyndan amala aşyrylar" diýip habar berdi. 

BMG-nyň Baş sekretary Antoniu Guterriş bolsa: "Dünýäniň muňa ozalkylardan has köp mätäçligi bar. Türkiýe Respublikasy, hormatly Prezident Rejep Taýýip Erdogan her tapgyr, bu etabyň ähli tapgyry siziň tutanýerli çemeleşmäňiziň saýasynda boldy. Bu ylalaşyk resminamasy aslyna garanyňda bütin dünýä üçin gol çekilýär" diýip mälim etdi. 

Edilen çykyşylardan soň galla önümleriniň Ukrainanyň portlaryndan eksport edilmegi bilen bagly ylalaşyk resminama Prezident Erdoganyň hemaýatkärlik etmeginde Türkiýäniň, Russiýanyň, Ukrainanyň we BMG-nyň arasynda gol çekildi.