“Türkiýe, DKTR-na Goldaw Bermäge Dowam Eder”

Pezident R. T. Erdogan, “Türkiýäniň sebitara we halkara derejesinde oýnaýan roly, Demirgazyk Kipr Türk Respublikasynyň gelejeginiň esasy kepilnamasy bolmaga dowam eder” diýdi.

Prezident Erdogan, Kipr parahatçylyk hereketiniň 48 ýyllygy mynasibetli DKTR-nyň Prezidenti Ersin Tatara gutlag ýüzlenmesini ugratdy.

Prezident Erdogan gutlagynda “Adanyň deň-hukuklygyny goldaýan Kipr türk halkynyň hukugyny, hakyny we özygtyýarlygyny nyşana alan synanşygy taryha gömen, Kipr türküniň parahatçylygyny we durnuklylygyny üpjün eden Kipr parahatçylyk hereketiniň 48 ýyllygy mynasibetli halkymyň adyndan we öz adymdan we sizi we Kipr türk halkyny tüýs ýürekden gutlaýaryn.

Taryhy etapda parahatçylyga we çözgüde goldaw berýändigini subut eden Kipr türk halky özüne edilýän basyşlara we goýlan çäklendirmelere garamazdan, jebislikde we arkalaşykly hereket edip ähli kynçylygyň hötdesinden gelip biljekdigini her pursatda görkezdi.

Pursatdan peýdalanyp, beýik türk halkynyň adyndan we öz adymdan Kipr türk halkynyň parahatçylyk we erkinlik baýramyny tüýs ýürekden gutlaýaryn. Bu göreşde janlaryny pida eden eziz şehitlerimizi uly hormat bilen hatyralaýaryn, gahrymanlarymyza minnetdarlyk bildirýärin. Kiprli türk doganlarymyza asudalyk we bagtyýarlyk arzuw edýärin” diýdi.