ABŞ-nyň Resmisi Türkiýä Sagbolsun Aýtdy
ABŞ-nyň BMG-niň ýanyndaky hemişelik Wekili Linda Tomas Grinfiel Türkiýä siriýaly immigrantlary kabul etmekdäki jomartlygy, Ukrainanyň özygtyýarlylygyna we territorial bitewiligine berýän goldawy bilen ukrain halkyna eden kömekleri üçin sagbolsun aýtdy.
ABŞ-nyň BMG-niň ýanyndaky Wekilhanasyndan berilen beýannama görä Tomas Grinfield Siriýanyň halkyna goldaw temaly maslahata gatnaşmak üçin Belgiýanyň paýtagty Brýussele guran saparynyň dowamynda Türkiýäniň Daşary işler ministriniň orunbasary Sedat Önal bilen duşuşdy.
BMG-niň, Türkiýäniň Jilwegözi gümrük geçelgesinden Siriýa berilýän serhetaşa kömekleriň yzgiderliligi boýunça pikir alyşan Tomas Grinfield, Türkiýäniň kabul eden 3,7 milliondan gowrak bosguna edýän adatdan daşary jomartlygy üçin Sedat Önala sagbolsun aýtdy.
Grinfield bosgunlaryň Siriýa dolanyp barmagynyň bolsa howpsuz, abraýly we meýletin bolmalydygyny aýtdy.
Amerikanyň resmisi Türkiýä aýratynam Russiýa tarapyndan 24-nji fewraldan söweş yglan edilen Ukrainanyň özygtyýarlylygyna we territorial bitewiligine berýän goldawy bilen ukrain halkyna eden kömekleri üçin sagbolsun aýtdy.
Degişli Habarlar
Türkiye, Çiliniň kararyna reaksiýa bildirdi
Türkiye, Çiliniň 1915-nji ýyldaky wakalary "genosid" hökmünde ykrar eden kararyna reaksiýa bildirdi
TRT-niň Ispan Dilindäki Digital Ýaýlymlary Başlaýar
Ertir TRT-niň Ispan dilindäki digital ýaýlym platformasy tanyşdyrlar
