Türk Daşary işler ministri Braziliýada saparda bolýar

Daşary işler ministri Mewlüt Çawuşogly Twitter hasabyndan beren beýanatynda: "San-Paulu şäherinde işewür adamlar bilen Braziliýa bilen söwda gatnaşyklarymyzy has hem ösdürjek ädimleri we maýa goýum mümkinçiliklerini ele aldyk" diýip habar berdi. 

Ministr Çawuşogly ondan soň Türkiýäniň San-Paulu şäherindäki Baş konsullugyň täze binasynyň açylyş dabarasynda çykyş etdi. 

Iki ýurdyň arasynda däp bolan dostlukly we strategik hyzmatdaşlyk gatnaşyklaryň bardygyny aýdan Çawuşogly, Braziliýanyň ähmiýedini belläp geçip: "Braziliýa Latyn Amerika sebitinde biziň iň uly söwda hyzmatdaşymyz, emma şu gün geçiren duşuşyklarymyzda, esasan hem işewür adamlar bilen geçiren duşuşygymda 5 milliard dollarlyk söwda kuwwadynyň ýurtlarymyzyň arasyndaky bolmaly mümkinçilikden pesdigini, şol sebäpli maksatnamamalarymyzy özgertjekdigimizi nygtap geçdik" diýip habar berdi. 

Braziliýany Garaşsyzlyk güni bilen hem gutlan Çawuşogly: "Braziliýanyň Garaşsyzlygyna barýan ýolda 21-nji aprel Tiradentes gününiň ähmiýedini bilýärin. Hem Tiradentes güni hem-de Braziliýanyň garaşsyzlygynyň 200 ýyllygy bilen tüýs ýüregimden gutlaýaryn" diýip mälim etdi. 

Latyn Amerika syýahadyna 23-nji aprelde Urugwaý döwletinden başlan Mewlüt Çawuşogly, ol ýerden Braziliýanyň söwda merkezi San-Paulu şäherine geçipdi.