Akar Ukrainanyň Mariupol şäherindäki asuda halkyň çykarylmagy bilen bagly beýanat berdi
Akar, metbugat işgärleriniň Ukrainadaky asuda ilatyň we ýaralanan türk we beýleki ýurtlaryň raýatlarynyň ewakuasiýasy bilen bagly geçirilýän işler baradaky soraglaryna jogap berdi
Milli Goranmak ministri Hulusi Akar, Ukrainanyň Mariupol şäherindäki asuda halkyň ewakuasiýasy bilen bagly: "Russiýaly we Ukrainaly resmiler bilen koordinasiýa içinde umumy işlerimiz dowam edýär. Gysga wagtyň içinde oňyn hadysalara garaşýarys, dilegimiz şoldyr" diýip belledi.
Milli Goranmak ministri Hulusi Akar, metbugat işgärleriniň Ukrainadaky asuda ilatyň we ýaralanan türk we beýleki ýurtlaryň raýatlarynyň ewakuasiýasy bilen bagly geçirilýän işler baradaky soraglaryna jogap berdi.
"Mariupol şäherindäki asuda ilatyň we ýaralanan türk we beýleki ýurtlaryň raýatlarynyň deňizden ewakuasiýasy babatynda gämi bilen goldaw berip bileris" diýen beýanaty ýatladylyp, şäheriň soňky ýagdaýy baradaky soraga Hulusi Akar: "Ukraina ynsanperwer kömekleriň ýetirilmegi, şonuň bilen birlikde başda türk raýatlary bolmak bilen beýleki ýurtlaryň raýatlarynyň howpsuz ýagdaýda Türkiýä ewakuasiýa edilmegini üpjün etmek maksady bilen Russiýanyň we Ukrainanyň resmileri bilen koordinasiýa içinde işlerimiz dowam edýär. Gysga wagtyň içinde oňyn hadysalara garaşýarys, dilegimiz şoldyr" diýip belledi.
