Türkiýe Nigeriýa gynanç bildirdi
Türkiýe Nigeriýanyň Zamfara ştatynda guralan we asuda ilatdan 100-den gowrak adamyň ýogalmagy bilen netijelenen hüjümler sebäpli gynanç bildirdi
Türkiýäniň Daşary işler ministrligi tarapyndan berilen ýazmaça beýanatda, ýurdyň demirgazyk-günbataryndaky Zamfara ştatynda guralan hüjümlerde asuda halkdan 100-den gowrak adamyň ýogalandygy baradaky habaryň uly gynanç bilen alynandygy mälim edildi.
Beýanatda: "Bu elhenç hüjümi berk ýagdaýda ýazgarýarys. Hüjümde ýogalan adamlaryň maşgalalary bilen dostlukly we doganlyk Nigeriýanyň halkyna we hökümetine tüýs ýüregimizden gynanç bildirýäris" diýip habar berildi.
Nigeriýanyň ýerli metbugatynda anna güni berilen habarlarda, Zamfara ştatynda ýaragly toparlaryň obalara hüjüm guramaklary netijesinde 100-den gowrak adamyň ýogalandygy aýan edilipdi.
Degişli Habarlar
Daşary Işler Ministri Fidan Gollandiýada Saparda Bolýar
Hakan Fidan, Gaga şäherinde Gollandiýanyň Premýer-ministri Mark Rutte bilen duşuşdy.
Erdogan Stambulda Žurnalistleriň Soraglaryna Jogap Berdi
Prezident R.T.Erdogan Stambulda Ysraýyl-Eýran dartgynlygy hakynda beýannama berdi.