“Türkiýe, Gazagystana Kömek Bermäge Taýar”

Prezident R. T. Erdogan, Türk döwletleri guramasynyň döwürleýin ýolbaşçysy hökmünde Gazagystanda başdan geçirilýän soňky wakalar hakynda gurama agza ýurtlaryň liderleri bilen aýry aýry telefon arkaly söhbeteşlik geçirdi.

Prezidentiň ýanyndaky Kommunikasiýalar edarasyndan berlen beýannama görä, Prezident Erdogan, Gazagystanyň Prezidenti Kasym Jomart Tokaýewiň başda durmagynda Azerbaýjanyň Prezidenti Ilham Aliýew, Gyrgyzystanyň Prezidenti Sadyr Japarow we Özbegistanyň Prezidenti Şawkat Mirziýoýew bilen telefon arkaly söhbetdeşik geçirdi we kärdeşleri bilen Gazagystanda başdan geçirilýan soňky wakalar hakynda pikir alyşdy.

Erdogan, Gazagystanyň Prezidenti Tokaýew bilen geçiren telefon söhbetdeşliginde, dost we doganlyk ýurt Gazagystanda başdan geçirilýän wakalar bilen ýakyndan gyzyklanýandyklaryny, wakalarda ýogalanlara Alladan rehnet, ýaralananlara gyssagly şypa dileýändiklerini aýtdy.

Türkiýäniň Gazagystan bilen arkalaşykly hereket edýändigini nygtan Erdogan, Türk döwletleri guramasynyň adyndan beren beýannamasynda hem guramanyň Gazagystana goldaw berýändigine ünsi çekdi.

Gazagystanda täze hökümetiň gysga wagtda gurulmagyny we dartgynlygyň ortadan aýrylmagyny arzuw edýändiklerini aýdan Erdogan, gazak halkynyň başdan geçirilýän kynçylyklaryň hötdesinden geljekdigine ynanýandygyny belledi.

Erdogan, Türkiýänin ähli taraplaýyn Gazagystana kömek bermäge taýardygyny ýatlatdy.

Prezident Erdogan, Azerbaýjanyň Prezidenti Ilham Aliýew, Gyrgyzystanyň Prezidenti Sadyr Japarow we Özbegistanyň Prezidenti Şawkat Mirziýoýew bilen geçiren telefon söhbetdeşliginde hem Gazagystanyň durnuklylygynyň we howpsyzlygynyň goňşy ýurtlar bilen birlikde sebit ýurtlary taýdan hem möhümdigini nygtady we doganlyk ýurt Gazagystanyň kynçylyklaryny gepleşik arkaly çözjekdigine doly ynanýandygyny ýatlatdy.