Ýurt derejesinde 111 ýangyn gözegçilik astyna alyndy

Türkiýäniň Oba we tokaý hojalygy ministri Bekir Pakdemirli, Twitter hasabyndan mesele bilen bagly beýanat berdi. 

Ýurt derejesinde 28-nji iýul 1-nji awgust aralygynda ýüze çykan we şol çäkde dowam etdirilýän işler barada maglumat beren Pakdemirli: "Ýangyn söndürmek işlerine 13 uçar, 9 uçarmansyz howa ulagy, 45 dikuçar, 1 uçarmansyz dikuçary, 708 ýangyn söndüriji ulag we suw tankeri, 120 ekskawator bilen takmynan 4 müň 800 işgär gatnaşýar" diýip habar berdi. 

Bekir Pakdemirli 111 ýangynyň gözegçilik astyna alynandygyny, Antalýa welaýatynda 2, Mugla welýatynda 3 we Tunjeli welaýatynda 1 bolmak bilen dowam edýän jemi 6 ýangynyň söndürmek işleriniň dowam edýändigini mälim etdi.