Bitlisde täsirsiz ýagdaýa getirilen terrorçylaryň biriniň adynyň çal sanawda bolandygy anyklandy

Türkiýäniň Içeri işler ministrligi Bitlis welaýatynda täsirsiz ýagdaýa getirilen 3 terrorçynyň biriniň Terror sanawynyň çal kategoriýasy boýunça gözlenýän, ekstremist terror guramasy PKK-nyň Garzan welaýatynyň Tatwan-Hizan sebitinden jogapkär ýolbaşçy bolan, "Eriş Garzan" adyny ulanýan Hikmet Geziji bolandygynyň anyklanandygyny habar berdi. 

Içeri işler ministrligi tarapyndan berilen beýanatda, "Eren-11" operasiýasynyň çäginde Bitlis welaýatynyň Tatwan etrabynda anyklanan terrorçylara garşy welaýat Žandarma güýçlerine degişli desant we ýöriteleşdirilen toparlaryň gatnaşmagynda operasiýanyň başladylandygy ýatladyldy. 

Beýanatda düýn geçirilen operasiýada 3 terrorçynyň täsirsiz ýagdaýa getirilendigi, terrorçylaryň biriniň Terror sanawynyň çal kategoriýasy boýunça gözlenýän, ekstremist terror guramasy PKK-nyň Garzan welaýatynyň Tatwan-Hizan sebitinden jogapkär ýolbaşçy bolan, "Eriş Garzan" adyny ulanýan Hikmet Geziji bolandygynyň anyklanandygy mälim edildi.