Türkiýe BMG-nyň Palestina bilen bagly kabul eden kararyndan hoşal
Beýanatda Türkiýäniň ady agzalan halkara derňew komissiýasynyň işlerine her dürli goldawy we ýardamy bermäge taýardygy beýan edildi
Türkiýe BMG-nyň Ysraýylyň Palestina topraklarynda eden halkara adam hukuklary we adam hak hukuklary bilen bagly düzgün bozmalaryny derňemek maksady bilen garaşsyz bir halkara komissiýanyň döredilmegini öz düzüminde jemleýän kararnamasyna hoşallyk bildirdi.
Türkiýäniň Daşary işler ministrliginden BMG-nyň Adam hukuklary geňeşiniň düýn Palestina bilen bagly geçiren maslahatynda kabul eden Ysraýylyň düzgün bozmalaryny derňejek halkara garaşsyz komissiýanyň döredilmegi bilen baglanşykly karary barada ýazmaça beýanat berdi.
BMG-nyň Adam hukuklary geňeşiniň Ysraýylyň basyp alyşlygy astyndaky Palestina topraklarynda eden halkara adam hukuklary we adam hak hukuklary bilen bagly düzgün bozmalaryny derňemek maksady bilen garaşsyz bir halkara komissiýanyň döredilmegini öz düzüminde jemleýän kararnamasyna hoşallyk bildirilen beýanatda: "BMG-nyň Adam hukuklary geňeşiniň bu kararyny Ysraýylyň palestinanyň halkyna garşy tapawut goýmadan alyp barýan aşa, deňagramsyz we bikanin güýç ulanylmagy başda bolmak bilen, basyp alyşlyk astyndaky palestina topraklarynda eden jenaýatlary sebäpli halkara derejede hasap bermegini we Ysraýylyň degişli resmileriniň bu şol aksiýalardan jogapkär tutulmagynyň üpjün edilmegi bilen bagly amala aşyrylan möhüm bir ädim hökmünde garaýarys" diýip belledi.
Beýanatda Türkiýäniň ady agzalan halkara derňew komissiýasynyň işlerine her dürli goldawy we ýardamy bermäge taýardygy beýan edildi.
