Türkiýe, Liwiýa we Malta döwletleriniň Daşary işler ministrleri Üçtaraplaýyn maslahat geçirdiler

Türkiýäniň Daşary işler ministri Mewlüt Çawuşogly, Twitter hasabyndan beren beýanatynda, Liwiýanyň Milli Ylalaşyk hökümetiniň Daşary işler ministri Nejla al-Menguş we Maltanyň Daşary işler ministri Ewarist Bartolo bilen üçtaraplaýyn duşuşyk geçirendigini habar berdi. 

Beren beýanatynda Liwiýa berilýän goldawyň dowam etjekdigini aýdan Mewlüt Çawuşogly: "Bu taryhy öwrülişikde Liwiýada parahatçylyga, durnuklylyga we ýaňadandan dikeliş tapgyryna goldawymyz dowam eder. Bikanun göç bilen birlikde, Ortaýer deňizinde asudalygyň we howpsuzlygyň hemişelik bolmagy üçin hyzmatdaşlygymyz dowam eder" diýip mälim etdi.