Çawuşogly Kanadaly Kärdeşi Bilen Telefon Arkaly Söhbetdeş Boldy
Daşary işler ministri Mewlüt Çawuşogly, Kanadanyň Daşary işler ministri Mark Garno bilen telefon arkaly söhbetdeş boldy
Diplomatik çeşmelerden alynan maglumata görä telefon söhbetdeşliginde ikitaraplaýyn gatnaşyklar ara alynyp maslahatlaşyldy.
Telefon söhbetdeşliginde şeýle hem Türkiýä garşy goranyş senagaty boýunça girizilen çäklendirmeler babatynda Kanadanyň garaýşyna biynjalyklyk bildirildi we bu ýagdaýyň gözden geçirilmegi islendi.
Türkiýäniň Daşary işler ministrliginden berilen ýazmaça beýanatda: "Hormatly ministrimiz Mewlüt Çawuşogly, Kanadanyň Daşary işler ministri Mark Garno bilen telefon arkaly söhbetdeş boldy. Ikitaraplaýyn gatnaşyklar ara alynyp maslahatlaşyldy, Türkiýä garşy goranyş senagaty boýunça girizilen çäklendirmeler babatynda Kanadanyň garaýşyna biynjalyklyk bildirildi we bu ýagdaýyň gözden geçirilmegi islendi" diýip habar berildi.
Kanadanyň Daşary işler ministri Mark Garno telefon söhbetdeşligi bilen bagly beren beýanatynda: "Türkiýe NATO agza möhüm bir hyzmatdaş we NATO-nyň hyzmatdaşlyk programmasy bilen baglanşykly ýüz tutmalar ýagdaýa görä gözden geçiriler" diýip mälim etdi.
Degişli Habarlar
TRT-niň Ispan Dilindäki Digital Ýaýlymlary Başlaýar
Ertir TRT-niň Ispan dilindäki digital ýaýlym platformasy tanyşdyrlar