Draginiň Erdogan Hakyndaky Sözlerine Syýasatçylar Berk Reaksiýa Bildirdi
Italiýanyň Premýer-ministri Mario Draginin Prezident Erdogan hakynda aýdan sözlerine berk reaksiýa bildirildi
Italiýanyň Premýer-ministri Mario Draginin Prezident R.T.Erdogan hakynda aýdan sözlerine syýasatçylar berk reaksiýa bildirdiler
Türkiýäniň Beýik Millet Mejlisiniň Başlygy Mustafa Şentop Twitter hasabyndan beren habarnamasynda; “Italiýanyň çykgynsyzlyk sebäpli premýer-ministrlige saýlan adamynyň Türkiýe we Prezidentimiz hakyndaky gelşiksiz sözlerini ret edýäris hem-de yzyna gaýtarýarys. Tejribesiz we pespäl syýasatçy ýurdunyň ýagyrnysynda agyr we täleýsiz ýükdür” diýip ýazdy.
Prezidentiň Orunbasary Fuat Oktaý Twitterden beren habarnamasynda: “Ömür boýy ýurdunyň we milletiniň bähbitlerini pikir eden, ähli faşizme hem-de garaňky güýçlere garşy duran, gatnaşan her bir saýlawynda halkyndan uly goldaw alan Hormatly Prezidentimiz hakynda Premýer-ministri Draginiň gelşiksiz we biedep sözlerini ýazgaryp, ony ötünç soramaga çagyrýaryn” diýip ýazdy.
Prezidentiň metbugat Sekretary Ibrahim Kalyn sosial media hasabyndan beren habarnamasynda: “ÝB Geňeşiniň Başlygy Mişeliň protokol düzgüninde Türkiýe sebäpli haýsydyr bir meseläniň ýüze çykmandygyny beýan edendigine garamazdan Italiýanyň bellenen Premýer-ministri Draginiň Prezidentimiz hakyndaky sözleri sylaşyksyz we esassyzdyr. Bu sözleri ýazgarýaryn we dessine düzdiş girizmegini garaşýarys” diýip ýazdy.
Prezidentiň ýanyndaky Kommunikasiýalar edarasynyň Başlygy Fahrettin Altun bolsa italian dilinde beren habarnamasynda: “Italiýanyň bellenen Premýer-ministri türk halkynyň 52 göterim sesi bilen Prezidentlige saýlanan R.T.Erdogana “diktator” diýmek bilen hetden aşdy. Diplomatiýa gelişmeýän bu çemeleşmäni berk ýazgarýarys. Diktator gözleýän Italiýanyň taryhyna ser salsyn” diýdi.
Adalat ministri Abdulhamit Gül Twitterden beren habarnamasynda: “Edepden we terbiýeden mahrum bolan Italiýanyň Premýer-ministriniň öte geçen beýannamasyny ýazgarýaryn. Diktator gözleýän bolsa öwrülip taryhyna ser salsyn” diýdi.
Degişli Habarlar
Türkiýe Pakistana Gynanç Bildirdi
Pakistanda 13-nji aprelde başlan ýagyş we ýyldyrym çakmagy sebäpli 63 adam ýogalypdy.