"Fatih" we "Kanuni" gämileriniň täze burawlaýyş işlerine taýarlyklary dowam etdirilýär
Energetika we tebigy serişdeler ministri Fatih Dönmez telewideniýe kanallaryň birine beýanat berdi
Türkiýäniň ilkinji ýerli buraw gämileri bolan "Fatih" we "Kanuni" gämileriniň Türkali-2 ýatagyndaky işlerinden soň, aprel aýynda başlajak gözleg we burawlaýyş işlerine taýarlyklary dowam etdirilýär.
"Fatih" gämisi Demirgazyk Sakarýa gaz meýdançasynda "Amasra-1" ýatagy diýip atlandyryljak sebitde gözleg maksatly ýerine ýetirjek burawlaýyş işlerinden ozal, Zonguldak welaýatynyň Çaýjuma etrabynda ýerleşýän Filýos portyna bardy.
Şol porta 14-nji noýabrda baran we ol ýerde minara gurnamasy, nawigasiýa synagy, buraw enjamlarynyň gurnamasy we howpsuzlyk ulgamlarynyň gözden geçiriliş işleri ýerine ýetirilýän Türkiýäniň 3-nji buraw gämisi "Kanuni" gämisem "Amasra-1" ýatagynda "Fatih" gämisiniň geçirjek buraw işleriniň gutarnykly we käbir synaglaryny amala aşyrar.
Energetika we tebigy serişdeler ministri Fatih Dönmez telewideniýe kanallaryň birine beren beýanatynda: "Maksadymyz öňümizdäki 5 ýylyň içinde 30 bilen 40 ýataga ýetip, ol ýerde önümçilige başlamak. Ilkinji maksatnamamyz 2023-nji ýylda, nesip bolsa Respublikamyzyň 100-nji ýylynda ilkinji tebigy gaz gorlaryny gury ýere çykaryp, milli geçiriji ulgamy durmuşa geçirmek" diýip habar berdi.
