Fewral aýynda PKK-a agza 126 terrorçy täsirsiz ýagdaýa getirildi
Içeri işler ministrligi tarapyndan ýanwar aýynda başladylan "Eren" atly operasiýalar dowam edýär
Ýaramaz howa şertlerine garamazdan ençeme hepde dagda-düzde galyp, operasiýalaryny dowam etdirýän türk howpsuzlyk güýçleri, ekstremist terror guramasy ÝPG/PKK-a fewral aýynda hem agyr zarba saldy.
Türkiýäniň parahatçylygyny, asudalygyny we howpsuzlygyny bozmak üçin asuda ilaty, çagalary we bäbekleri hem nyşana almakdan çekinmeýän ekstremist terror guramasy ÝPG/PKK-a garşy fewral aýynda hem ýurdyň öz içinde hem-de daşary ýurtlarda geçirilen operasiýalarda 126 terrorçy täsirsiz ýagdaýa getirildi.
Beýleki tarapdan 2021-nji ýylda edilen tagallalaryň netijesinde howpsuzlyk güýçlerine boýun egen ekstremist terror guramasy PKK/KJK-a agza terrorçylaryň sany 27-nji fewrala çenli 31-e ýetdi.
Içeri işler ministrligi tarapyndan ýanwar aýynda başladylan "Eren" atly operasiýalar dowam edýär.
Şol çäkde fewral aýynda Bitlis, Siirt, Tunjeli, Hataý, Osmaniýe, Gaziantep, Hakkari we Şyrnak welaýatlarynda täze operasiýalar başladyldy.