Terrora garşy göreş tutanýerli ýagdaýda dowam edýär
Bikanun ýollar bilen ýurda girmek islän 5-si ekstremist terror guramasy PKK-a agza bolan 9 adam saklandy
Türkiýäniň Milli Goranmak ministrliginden berilen beýanata görä, Şanlyurfa welaýatynyň Jeýlanpynar etrabynyň we Mardin welaýatynyň Kyzyltepe etrabynyň serhet liniýasynda bikanun ýollar bilen Siriýadan Türkiýä girmek islän 9 adam saklandy.
Geçirilen derňew işleriniň netijesinde saklanan adamlaryň 5-siniň terror guramasy PKK-a agza bolandyklary anyklandy.
Beýleki tarapdan Yragyň demirgazygynda geçirilýän Penje-Gaplaň operasiýasynyň çäginde ekstremist terror guramasy PKK tarapyndan ulanylan gaçybatalgalarda köp mukdarda ok-däri we gündelik ýaşaýyş üçin niýetlenen enjamlar ele salyndy.
Türkiýäniň Milli Goranmak ministrliginden berilen beýanatda: "Penje-Gaplaň operasiýasy bilen terrorçylaryň Yragyň demirgazygyndaky hinlerine girmäge dowam edýäris. Terror guramasyna degişli 80 sany AK-47 tüpeňi, 25 sany AK-47 tüpeňiniň magazini, 18 sany snaýper tüpeňiniň magazini, 1 sany elde ýasalan partlaýjy we köp mukdarda harby enjam we azyk ele salyndy" diýip habar berildi.
