Parahatçylyk Çeşmesi sebitinde 5 terrorçy täsirsiz ýagdaýa getirildi

Parahatçylyk Çeşmesi sebitinde 5 terrorçy täsirsiz ýagdaýa getirildi, 1 terrorçy boýun egdi

1559324
Parahatçylyk Çeşmesi sebitinde 5 terrorçy täsirsiz ýagdaýa getirildi

Siriýada Parahatçylyk Çeşmesi sebitinde ekstremist terror guramasy PKK/ÝPG-e agza 5 terrorçy täsirsiz ýagdaýa getirildi. 

Türkiýäniň Milli Goranmak ministrliginden berilen beýanatda, terrorçylaryň Parahatçylyk Çeşmesi sebitine hüjüm gurandyklary habar berildi. 

Beýanatda, Parahatçylyk Çeşmesi sebitine hüjüm guran PKK/ÝPG-e agza 5 terrorçynyň täsirsiz ýagdaýa getirilendigi mälim edildi. 

Beýleki tarapdan Içeri işler ministrliginden berilen beýanatda, edilýän tagallalaryň netijesinde terror guramasyndan gaçyp Howpsuzlyk güýçlerine boýun egýän terrorçylaryň sanynyň artmaga dowam edýändigi bellenip, 2021-nji ýylda ilkinji terrorçynyň  Howpsuzlyk güýçlerine boýun egendigi aýan edildi. 

Içeri işler ministrliginiň koordinasiýasy esasynda Žandarma güýçleriniň Baş serkerdeligi we Içeri işler müdürligi tarapyndan edilen tagallalaryň netijesinde PKK-dan gaçan 1 terrorçynyň Türkiýä girip, Türk Howpsuzlyk güýçlerine boýun egendigi beýan edildi. 

Beýanatda boýun egen terrorçynyň 2014-nji ýylda PKK-nyň düzümine goşulandygy we Siriýada işler alyp barandygy mälim edildi. 


Etiketkalar: #boýun egmek , #ÝPG , #PKK , #terrorçy

Degişli Habarlar