Türkiýäniň Koronawirusa Garşy Göreşi Dowam Edýär
Soňky 24 sagatda koronawirus sebäpli çekilen adam pidasy 254 boldy
Epidemiýanyň başyndan bäri aradan çykan raýatlaryň sany 19 müň 115 adama ýetdi.
24 sagadyň dowamynda 195 müň 675 adam testden geçirilip, ýene-de 3
müň 218 adama koronawirusyň ýokaşandygy anyklandy.
Gündelik hasaba alynanlaryň sany bolsa 18 müň 102 adama ýetdi
Saglyk ýagdaýy gowulaşyp öýlerine ugradylan 33 müň 985 adam bilen birlikde, jemi sagalan raýatlaryň sany 1 million 935 müň 292 adama ýetdi.
Saglygy goraýyş ministri Fahrettin Koja Ylmy geňeşiň maslagahatyndan soň beren beýannamasynda Hytaýdan alynjak sanjymyň ýekşenbe güni gije ugradyljakdygyny aýtdy.
Şol sanjymyň türk raýatlaryna peydalydygyny kesgitländiklerini aýdan ministr Koja, birinji tapgyrda 9 million raýatyň sanjymlanmagynyň maksat edinilýändigini aýtdy.
Ministr Koja ýerli sanjymda netijeli barlaglaryň dowam edýändigini hem mälim etdi.