ABU-nyň Başlyklygyna Ibrahim Eren Saýlandy
Eren 271 agzanyň bir agyzdan ses bermegi netijesinde saýlanan wezipesini 2023-nji ýylyň 31-nji dekabryna çenli ýerine ýetirer
Aziýa-Ýuwaş Umman Ýaýlym Bileleşiginiň Baş assambleýasynda geçirilen başlykly saýlawynda Türkiýäniň radio-telewideniýe guramaynyň dolandyryjylar geňeşiniň Başlygy we baş Müdiri Ibrahim Eren bir agyzdan ABU-nyň başlyklygyna saýlandy.
Wiýetnamyň paýtagty Hanoýda geçirilmegi meýilleşdirilen ABU-nyň 57-nji Sessiýasy we maslahatlary koronawirus sebäpli onlaýn platformada geçirildi.
ABU-nyň 57-nji Sessiýasynyň başlyklyk saýlawyndan soň TRT-nin baş Müdiri Ibrahim Eren bir agyzdan Başlyklyga saýlandy. Eren 72 ýurtdan 271 agzasy bilen dünýäniň esasy ýaýlym bileleşigi bolan ABU-nyň başlyklygyna Türkiýeden saýlanan ilkinji ýolbaşçy. Eren 2023-nji ýylyň 31-nji dekabryna çenli ABU-da başlyklyk eder.
Ibrahim Ereniň ABU-nyň başlyklygyna saýlanmagynda baş müdirligi döwründe TRT-niň günsaýyn artan üstünligi, daşary ýurtlarda seslenme döreden çäreleri bilen tapawutly dillerde berilýän netijeli ýaýlymlarynyň paýy uly.
ABU-nyň başlyklygyna saýlanmagyndan soň beýannama beren Eren, dünýäniň esasy ýaýlym bileleşigine şeýle uly goldaw bilen başlyk saýlanmagynyň buýsandyryjydygyny belläp: “Bu üstünlik ýurdumyzyň güýjünden we TRT-niň halkara arenasyndaky pozisiýasyndan gözbaş alýar. ABU-nyň ähli agzalaryna we işdeş ýoldaşlarymya sagbolsun aýdýaryn. Düşümli bolsun” diýdi.
Degişli Habarlar
Terrora garşy göreş giň gerimli dowam etdirilýär
Beýanat Türkiyäniň Milli Goranmak ministrligi tarapyndan berildi