24-nji sentýabrda "Halkara Gündogar Ortaýer deňizi" atly konferensiýa geçiriler
Kommunikasiýalar edarasy 24-nji sentýabrda "Halkara Gündogar Ortaýer deňizi" atly konferensiýanyň geçiriljekdigini habar berdi
Prezidentiň ýanyndaky Kommunikasiýalar edarasy tarapyndan berilen beýanata görä, Türkiýäniň Gündogar Ortaýer deňizindäki adalatlylyk we hyzmatdaşlyk maksatnamasy bilen onuň halkara ulgama ýetirýän täsirleriniň ara alynyp maslahatlaşyljak wideo konferensiýanyň açylyşyny Kommunikasiýalar edarasynyň başlygy Fahrettin Altun ýerine ýetirer.
Konferensiýanyň "Gündogar Ortaýer deňizinde Türkiýäniň adalatlylyk we hyzmatdaşlyk maksatnamasy" atly ilkinji bölüminde, Daşary işler ministriniň orunbasary Ýawuz Selim Kyran, Energetika we tebigy serişdeler ministriniň orunbasary Alparslan Baýraktar bilen Prezidentiň Howpsuzlyk we daşary syýasat geňeşiniň agzasy Prof.Dr. Çagry Erhan çykyş eder.
Maslahatyň 2-nji bölüminde Prezidentiň Baş maslahatçysy Prof.Dr. Gülnur Aýbet, Hudson institutynyň ylmy-derňew işgäri Maýk Doran, Jamestown Foundation guramasynyň başlygy Glen Howard we Sunny Maritime College guramasyndan Prof.Dr Mark Meirowetz "Gündogar Ortaýer deňizinde adalatly hyzmatdaşlygyň Halkara ulgama täsiri" meselesi bilen bagly synalaryny gürrüň bererler.
