Türkiýe-Gresiýa Harby maslahatyň 4-njisi tamamlandy
Gündogar Ortaýer deňizindäki dartgynlyk dowam edýärkä NATO-nyň Ştab kwartirasynda çaknyşyk howpyny ortadan aýyrmak üçin gepleşikler dowam edýär
1492401
NATO-nyň Ştab kwartirasynda geçirilen Türkiýe bilen Gresiýanyň harby wekiliýetleriniň arasyndaky “Tapawutlandyryş Usullary” boýunça tehniki maslahatyň 4-njisi öz işini tamamlady.
Türkiýäniň we Gresiýanyň harby wekiliýetleri şu gün 4-nji gezek NATO-nyň Brýusseldäki Ştab kwartirasynda duşuşyk geçirdiler.
Türkiýäniň Milli goranmak ministrliginden berilen beýanatda: “Türkiýe bilen Gresiýanyň Harby wekiliýetleriniň arasynda Tapawutlandyryş usullarynyň ara alynyp maslahatlaşylan tehniki maslahat öz işini tamamlady. Nobatdaky maslahatyň öňümizdäki hepde geçirilmegi meýilleşdirilýär” diýip habar berildi.
NATO-nyň baş Sekretary Ýens Stoltenbergiň başlangyjy bilen Türkiýäniň we Gresiýanyň arasyndaky tehniki gepleşikler 3 hepde ozal başlapdy.
