“Ýyldyrym-5” operasiýasy başlady
“1448 hünärmenimiziň gatnaşmagynda şu gün irden Amanoslarda Ýyldyrym-5 operasiýasy başladyldy”
Howpsyzlyk güýçleri tarapyndan Hataý welaýatynyň Amanoslar etrapçasynda ekstremist terror guramasy PKK-a garşy “Ýyldyrym-5” operasiýasy başladyldy.
Içeri işler ministri Süleýman Soýlu Ankarada beren beýanatynda “1448 hünärmenimiziň gatnaşmagynda şu gün irden Amanoslarda Ýyldyrym-5 operasiýasy başladyldy” diýdi.
Ministr Soýlunyň beýanatyndan soň Içeri işler ministrliginden berlen ýazmaça beýanatda “Ýyldyrym-5” operasiýasynyň 1448 hünärmeniň gatnaşmagynda başlandygy habar berildi.
Beýanatda Ýyldyrym1-2-3-4 operasiýalarynyň çäginde häzire çenli 15 terrorçynyň täsirsiz ýagdaýa getirlendigi bellenildi.
Beýanatda operasiýalarda 30 gowagyň, gaçybatalganyň we ammaryň hatardan çykarlandygy, köp sanly ok-däriniň ele geçirlendigi nygtaldy.
Beýanatda “Ýyldyrym operasiýalary, halkymyzyň goldaw bermeginde üstünlikli ýagdaýda dowam edýär” diýildi.
