Milli arkalaşyk kampaniýasyna berilen goldaw 1,7 milliard lira ýetdi

Koronawirus epidemiýasyna garşy görülýän çäreleriň çäginde Prezident Rejep Taýýip Erdoganyň öňbaşçylyk etmeginde "Biz bize ýeteris Türkiýäm" şygary bilen başladylan Milli arkalaşyk kampaniýasynda şu günki güne çenli 1 milliard 689 million 101 müň 146 liralyk pul ýygnaldy.

"bizbizeyeteriz.gov.tr" internet saýtyndaky maglumatlara görä, 15-nji aprele çenli kampaniýa gatnaşanlaryň sany 613 müň 115-e ýetdi. 

Raýatlaryň ykjam telefonlaryň üsti bilen 10 lira ugradyp bilýän kapmaniýanyň çäginde, häzirki wagta çenli 5 million 585 müň 448 sms bilen 55 million 854 müň 480 lira pul ugradyldy. 

Şu günki güne çenli 1 milliard 689 million 101 müň 146 liralyk pul üýşürilen kampaniýa iň köp mukdarda pul ugradan edara bolsa 100 milion lira bilen Merkezi bank boldy.