Çawuşoglu, Gresiýanyň Prezidenti Pawlopulosyň, sözüne berk garşylyk görkezdi

Daşary işler ministri Mewlüt Çawuşoglu, Gresiýanyň Prezidenti Prokopis Pawlopulosyň, Günbatar Frakiýa guran saparynyň çäginde musulman türk azlyklary hakynda aýdan “Musulman grek azlygy” sözüne berk garşylyk görkezdi.

Çawuşogulu mesele hakynda beren beýanatynda “Demokratiýanyň merkezidigini aýdýan ýurduň prezidenti, Ýewropa Adam hukuklary kazyýetiniň kabul eden kararlaryna garamazdan ýene-de Musulman türk azlygy hakynda “Grek musulman azlyk” diýdi. Siz näme diýseňiz diýiň, Günbatar Frakiýa türk azlygy asyrlaryň dowamynda türkdi we türk  hökmünde galar” diýip belledi.

14-nji martda iş möhledi tamamlanýan Prezident Pawlopulos, şenbe güni Günbatar Frakiýa guran saparynyň çäginde eden çykyşynda, Günbatar Frakiýa türk azlygynyň diňe dini azlykdygyny, Stambuldaky prowaslaw grek azlygynyň bolsa milli azlykdygyny öňe sürdi.

Prezident Pawlopulos çykyşynda Stambuldaky grek azlyklary barada “grek azlygy” diýýärkä, Gresiýadaky türk azlygy barada bolsa “Grek musulman azlygy” diýipdi.