Çawuşogly: “S-400-leri gutyda saklamak üçin satyn almadyk”
Türkiýäniň Daşary işler ministri Mewlüt Çawuşogly, Türkiýäniň hç bir ýurda S-400 howa goranyş ulgamlaryny gurmajakdygy ýa-da ulanmajakdygy barada söz bermändigini habar berdi
Mewlüt Çawuşogly, Adalat we ösüş partiýasynyň TBMM-däki maslahatyna gatnaşmak üçin baran mejlisde metbugat işgärleriniň soraglaryna jogap berdi.
Ankarada S-400-ler bilen bagly synaglaryň geçirilýändigini ýatladyp, ABŞ tarapyndan mesele bilen bagly berilen beýanatlar baradaky soraglara jogap beren Çawuşogly: “S-400-leri gurmarys ýa-da ulanmarys diýip hiç kime söz bermedik. Howa goranyş ulgamlaryny zerurlygymyz bolanlygy üçin satyn aldyk” diýip belledi.
Italiýanyň, Gollandiýanyň we Germaniýanyň Türkiýedäki howa goranyş ulgamlaryny 2013-nji ýylda yzyna alyp gidendigini ýatladan Çawuşogly: “S-400-leri zerurlygymyz bolanlygy üçin aldyk. Gutyda saklamak üçin howa goranyş ulgamy satyn alynarmy? Hormatly Prezidentimiz bular ýaly söz bermändigimizi açyk we anyk ýagdaýda ABŞ-e ýetirdi. Bular ýaly söz bermegimiz mümkin däl” diýip nygtady.
Degişli Habarlar
Türkiye, Çiliniň kararyna reaksiýa bildirdi
Türkiye, Çiliniň 1915-nji ýyldaky wakalary "genosid" hökmünde ykrar eden kararyna reaksiýa bildirdi
TRT-niň Ispan Dilindäki Digital Ýaýlymlary Başlaýar
Ertir TRT-niň Ispan dilindäki digital ýaýlym platformasy tanyşdyrlar