Respublikanyň 96 ýyllygy Türkiýäniň çar tarapynda bellenilip geçilýär

Prezident Rejep Taýýip Erdoganyň ýolbaşçylygyndaky hökümetiň agzalary we syýasy partiýalaryň wekilleri, 29-njy oktýabr Garaşsyzlyk baýramy mynasybetli Anytkabiri zyýarat etdiler.  

Erdogan Anytkabiriň ýörite depderine gol çekdi. Erdogan depdere: “Eziz Atatürk, şu gün millet hökmünde uly dabara bilen Respublikamyzyň 96 ýyllygyny belläp geçýäris. Şu gün Siziň alyhezretiňizi we Milli Azat edijilik söweşiniň ähli gahrymanlaryny, watan ugrunda janyny beren ähli eziz şehitlerimizi uly buýsanç bilen ýatlaýarys. Garaşsyzlygymza we milli durnuklylygymyza garşy hüjümleriň artan bir döwründe Azat edijilik söweşimizi ýeňiş bilen netijelendiren garşylyk güýji bilen hem ýurdyň öz içinde hem-de daşary ýurtda göreşimizi tutanýerlilik bilen dowam etdirýäris. 9-njy oktýabrda başladan we gysga wagtyň içinde uly üstünlikler alynan Parahatçylyk Çeşmesi operasiýasy bilen Siriýa serhedimiz boýunça esaslandyrylmak islenen terror koridoryny dargadyp, tutanýerliligimizi ýene-de bir gezek bütin dünýä görkezdik. Ýatan ýeriň Ýagty bolsun” diýip ýazdy.

Harby birikmelerde işleýän ofiserleriň we okuwçylaryň gatnaşmagynda geçen dabaradan soň, Anytkabir myhmanlar üçin açyldy.

Prezidentiň kompleksinde myhmanlary kabul eden Erdogan, Beştepe Millet kongres we medeniýet merkezinde Garaşsyzlyk baýramy bilen bagly geçiriljek çärä ýer eýeçilik etdi.

TBMM-nyň öňündäki konsertden soň, TBMM-nyň Ulus etrapçasyndaky birinji mejlisine çenli ulag kortež ýörüşi geçirildi.