ABŞ-nyň Ankaradaky ilçihanasynyň wekili Daşary işler ministrligine çagyryldy
ABŞ-nyň Ankara şäherindäki ilçihanasynyň wekili, ilçihananyň sosial mediadaky maglumatlaryň birine laýk goýmagy sebäpli Türkiýäniň Daşary işler ministrligine çagyryldy
Daşary işler ministrliginiň metbugat sekretary Hami Aksoýdan alynan maglumata görä, ABŞ-nyň Ankaradaky Adatdan daşary we doly ygtyýarly ilçisi Dewid Satterfildiň Ankara şäherinde bolmanlygy sebäpli, ilçihananyň wekili Jeffreý M.Howenierden Daşary işler ministrligine çagyrylyp ilçihananyň sosial mediada berilen maglumatlaryň birine laýk goýmagy sebäpli açyk we anyk düşündiriş berilmegi islendi.
Içihananyň wekili Howenier bilen Daşary işler ministriniň kömekçisi Sedat Önal ministrlikde duşuşyk geçirdiler.
ABŞ-nyň Ankaradaky ilçihanasy, içihananyň Twitter hasabyndan FETÖ gaçgagy Ergun Babahanyň Milletçi Hereket partiýasynyň başlygy Dewlet Bahçeli bilen baglanşykly paýlaşan maglumatyna ýalňyşlyk bilen laýk goýulanlygy sebäpli ötünç sorady.
Beýleki tarapdan Daşary işler ministri Mewlüt Çawuşogly, ABŞ-nyň Ankaradaky ilçihanasynyň sosial mediadaky maglumata laýk goýmagy bilen baglanşykly: "Sedat Önal, ABŞ-nyň ilçihanasynyň wekili bilen ministrlikde duşuşyk geçirdi, ýalňyşlyk bilen bolandygyny we ondan soň düzedendiklerini habar berdiler. Biz gerek bolan nägileligimizi bildirenimizden soň has anyk ýagdaýda beýanat berilmegi talap edildi" diýip habar berdi.
Degişli Habarlar
Daşary Işler Ministri Fidan Gollandiýada Saparda Bolýar
Hakan Fidan, Gaga şäherinde Gollandiýanyň Premýer-ministri Mark Rutte bilen duşuşdy.
Erdogan Stambulda Žurnalistleriň Soraglaryna Jogap Berdi
Prezident R.T.Erdogan Stambulda Ysraýyl-Eýran dartgynlygy hakynda beýannama berdi.