Prezident Erdoganyň ýolbaşçylyk etmegindäki ÝHG maslahaty tamamlandy
Ýokary Harby Geňeşiň maslahaty Prezident Rejep Taýýip Erdoganyň ýolbaşçylyk etmeginde Prezidentiň kompleksinde geçirildi
Prezident Erdoganyň ýolbaşçylyk etmeginde geňeşiň agzalary, maslahatdan ozal Türkiýe Respublikasynyň esaslandyryjysy M.K. Atatürkiň guburynyň ýerleşýän ýeri bolan Anytkabir mawzoleýine bardylar.
Ondan soň Erdogan we geňeşiň agzalary, maslahat üçin Prezident kompleksine geçdiler.
Metbugata ýapyk häsýetde geçirilen maslahata Wise-prezident Fuat Oktaý, Milli Goranmak ministri Hulusi Akar, Adalat ministri Abdulhamit Gül, Içeri işler ministri Süleýman Soýlu, Daşary işler ministri Mewlüt Çawuşogly, Gazna we Maliýe ministri Berat Albaýrak, Milli Bilim ministri Ziýa Selçuk, Baş Ştabyň başlygy Ýaşar Güler, Guryýer güýçleriniň serkerdesi Ümit Dündar, Harby-deňiz güýçleriniň serkerdesi Adnan Özbal we Harby-howa güýçleriniň serkerdesi Hasan Küçükakýüz dagylar gatnaşdylar.
Maslahat takmynan 1,5 sagat dowam etdi.
Ýokary Harby Geňeşiň agzalary bilen günortanlyk nahar edinen Prezident Erdogan, ondan soň maslahatda kabul edilen kararlara gol çekdi.
Şoňa laýyklykda 2019-njy ýylyň 30-njy awgustynda 14 generallar bilen admirallaryň çinleri ýokarladyldy, 40 polkownok çinli ofisere bolsa general we admiral çinleri berildi.
Prezidentiň Metbugat geňeşçisi Ibrahim Kalyn, Ýokary Harby Geňeşiň kararlary bilen baglanşykly beren beýanatynda, häzirki wagtda 241 bolan generallaryň we admirallaryň sanynyň 233 boljakdygyny habar berdi.
