Penje operasiýasynda ýene-de 4 terrorçy täsirsiz ýagdaýa getirildi
Türkiýäniň Ýaragly güýçleri tarapyndan Yragyň demirgazygynda ekstremist terror guramasy PKK-nyň ýerlerine garşy geçiren howa hüjümlerinde ýene-de 4 terrorçy täsirsiz ýagdaýa getirildi
Milli Goranmak ministrliginiň Twitter hasabyndan berilen maglumatda, 27-nji maýda başlan Penje operasiýasy bilen sazlaşykly ýagdaýda Yragyň demirazygyndaky Zap we Metina sebitlerinde dowam etdirilýän operasiýada howa hüjümleriniň guralandygy mälim edildi.
Operasiýanyň çäginde, PKK-a degişli ýarag liniýalaryň, gowaklaryň we gaçybatalgalaryň nyşana alynyp hüjüm guralandygy, 4 terrorçynyň bolsa täsirsiz ýagdaýa getirilendigi habar berildi.
Beýleki tarapdan soňky wagtrlarda terror guramasyna garşy geçirilýän üstünlikli operasiýalar, terror guramasynda dargamalara sebäp döretdi.
Biri çal kategoriýada bolan jemi 5 terrorçy Şyrnak welaýatynda howpsyzlyk güýçlerine boýun egdi.
Žandarma we Içeri işler edarasynyň bilelikde geçiren operasiýasynyň netijesinde 5 terrorçynyň 4-si ynandyrylyp, 1-i bolsa öz-özünden Şyrnak welaýatynyň Içeri işler edarasyna boýun egdi.
Ynandyrylyp boýun egdirilen terrorçylaryň biri, Terrordan gözlenýänleriň sanawynda çal kategoriýada 300 müň lira sylag bilen gözlenýärdi.