ABŞ-nyň Siriýa boýunça ýörite wekili Ankara geldi
Duşuşykda Siriýa meselesinde ýakyn hyzmatdaşlygyň özara ynama laýyklykda dowam etdirilmeginiň ähmiýetine üns çekildi
ABŞ-nyň Siriýa boýunça ýörite wekili Jeffri Ankara geldi.
ABŞ-nyň Siriýa boýunça ýörite wekili Jeffriniň ýolbaşçylygyndaky resmi wekiliýet ilki Prezidentiň kompleksinde, Prezidentiň metbugat sekretary İbrahim Kalynyň ýolbaşçylygyndaky türk wekiliýeti bilen duşuşdy.
Duşuşykda Ýefradyň gündogarynda we Siriýada terrora garşy göreş, howpsyz zolak, Manbij iş meýilnamasynyň durmuşa geçirilmegi, DAIŞ, PKK/ÝPG/PÝD terror guramalaryna garşy göreş, İdlib ylalaşygynyň goralyp saklanmagy, Siriýanyň territorial bitewiliginiň çäginde syýasy çözgüdiň tapylmagy we Siriýanyň ýaňadandan dikeldilmegi ýaly meseleler gün tertibine getirildi.
Duşuşykda Siriýa meselesinde ýakyn hyzmatdaşlygyň özara ynama laýyklykda dowam etdirilmeginiň ähmiýetine üns çekildi.
Jeffriniň saparynyň çäginde Daşary işler ministriliniň ýolbaşçylary, Milli goranmak ministri Hulusi Akar we Milli howpsyzlyk gullugynyň başlygy Hakan Fidan bile duşuşmagyna garaşylýar.