Astanada Siriýa temaly maslahatyň 11-njisi geçirildi
Maslahat barada Türkiýäniň Daşary işler ministrligi beýannama çap etdi
Türkiýe Gazagystanyň paýtagty Astana şäherinde geçirilen Siriýa meselesi boýunça geçirilen ýokary derejeli maslahatda Siriýanyň özygtyýarlylygy bilen territorial bitewiligine kast edýän, goňşy ýurtlaryň howpsyzlyklaryna wehim salýan ekstremist gün tertibine garşy pozisiýanyň ýene-de bir gezek tassyklanandygyny beýan etdi
Daşary işler ministrliginden berilen beýannamada Siriýa meselesi boýunça ýokary derejeli maslahatyň 11-njisiniň noýabr aýynyň 28-29-y aralygynda Astana şäherinde geçirilendigi habar berildi.
Beýannamada; “Terrorizme garşy göreş ady bilen sebitde başga bökdençlikleri ýüze çykarmak ugrundaky synanşyklar ret edilip, Siriýanyň özygtyýarlylygy bilen territorial bitewiligine kast edýän, goňşy ýurtlaryň howpsyzlyklaryna wehim salýan ekstremist gün tertibine garşy pozisiýanyň ýene-de bir gezek tassyklandy” diýilýär.
Esasan Siriýa meselesine syýasy çözgüt tapmak ugrundaky tallalaryň utgaşyklygy we sebitde başdan geçirilýän wakalaryň seljerilendigi barada aýdylýan beýannamada; “Şol çäkde Konstitutsiýa topary bilen bagly geňeşmeleriň ýaýbaňlandyrylmagy we toparyň gysga möhletde döredilmegi baradaky bilelikdäki ygrarlylyk beýan edildi” diýilýär.
“Beýannamada; “İdlib Dartgynlygy azaldyş zolagyndaky şertleriň kadalaşdyrylmagy baradaky ylalaşygyň iş ýüzüne geçirilmegi boýunça egilşik tagalla edilmelidigi nygtalyp, İdlibde hüjümleriň bes edilmegi baradaky ylalaşygyň dowam etmeginiň möhümdigi bellenildi” diýilýär.
Beýannamada Siriýa meselesindäki ýokary derejeli maslahatyň 12-njisiniň fewral aýynda Astanada geçirilmegi barada karara gelinendigi habar berilýär.
Degişli Habarlar
Türkiýeden Gaza Ugradylan Ynsanperwer Kömek Gämisi Müsüre Bardy
Türkiýeden häzire çenli 13 uçar we 8 gämi bilen 42 tonnalyk ynsanperwer kömegi Gaza ugradyldy.