Milli harby uçar 2023-nji ýylda uçmaga başlar

Goranmak senagatynyň başlygynyň orunbasary Jelal Sami Tüfekçi, Ondokuz maý uniwersitetiniň Awiasia we kosmos tehnologiýalary ylmy-barlag we amal merkezine baryp gördi.

Jelal Sami Tüfekçi Türkiýede goranmak senagatynda soňky ýyllarda edilen oýlap-tapyşlara ünsleri çekdi.

Türkiýäniň soňky 15 ýylda goranmak senagatynda eden ösüşleri bilen şol pudak boýunça öňbaşçy ýurtlaryň hataryna goşulandygyny aýdan Tüfekçi, goranmak senagatynda milli taslamalaryň dowam edýändigini mälim etdi.

Şol taslamalaryň biriniň hem Milli söweş uçarydygyny aýdan Tüfekçi, Goranmak senagaty edarasy tarapyndan alynyp barylýan taslama bilen, Türkiýäniň Harby howa güýçleriniň düzüminde bar bolan we 2030-njy ýyllardan başlap yzgyderli häsýetde düzüminden aýrylmagy meýilleşdirilýän F-16 uçarlarynyň ýerine alynyp bilinjek ýurdyň öz içinde we ýerli mümkinçilikler dizaýn edilen döwrebap uçarlaryň öndürilmeginiň maksat edinilýändigini habar berdi.

Tüfekçi Milli söweş uçarynyň ilkinji prototip uçuşyny 2023-nji ýylda ýerine ýetirmegi meýilleşdirýändiklerini beýan etdi.