Çawuşogly gün tertibiniň ileri tutulýan ugurlary barada beýannama berdi
Daşary işler ministri Mewlüt Çawuşogly 4-nji iýunda ABŞ-da Maýk Pompeo bilen duşuşjakdygyny aýtdy
Daşary işler ministri Mewlüt Çawuşogly ABŞ bilen Siriýanyň Munbiç etraby boýunça geçirilen gepleşiklerde ýetilen soňky sepgit we F-35 harby uçarlarynyň aluwy bilen bagly düşnüşmezlikler hakynda garaýyşlaryny beýan etdi.
Germaniýadan gaýdyşyn uçarda beýannama ebren Çawuşogly 4-nji iýunda ABŞ-nyň döwlet Sekretary Maýk Pompeo bilen Waşingtonda duşuşjakdygyny aýtdy.
ABŞ-nyň Siriýanyň Munbiç etrabyna ekstremist terror guramasy PKK-nyň bölümi bolan PÝD/ÝPG terrorçylarynyň ornaşdyrmagyndan soň Türkiýe bilen ABŞ-nyň arasynda ýüze çykan düşnüşmezligiň çözülmegi üçin geçirilen gepleşikler barada durup geçen Çawuşogly, gepleşiklerden sebitdäki terror guramalary bilen bagly konkret netijäniň çykjakdygyny aýtdy.
ABŞ tarapyndan DAİŞ-e garşy göreş üçin goldanan PKK/PÝD-ÝPG agzalarynyň sebitden gitmegi barada beren sözünde durman halatynda Türkiýäniň harby operasiýa gurap biljekdigine ünsi çeken Çawuşogly; “Munbiç meselesinde galan ýerimizden dowam ederis” diýdi.
Pompeonyň ylalaşyga wepaly boljakdyklaryny aýdandygyny ýatladan Çawuşogly; “ABŞ-nyň ozalky döwlet Sekretary Reks Tillerson wezipesinden gitmedik bolsady, Munbiç baradaky iş meýilnamasyny tassyklardyk” diýdi.
İş meýilnamasynyň çürt kesikdigini nygtan Çawuşogly; “Bu iş meýilnamasynda anyk başlangyçlar bar we wagty doly kesgitlenen. ÝPG Munbiçden çykarylar. ÝPG-niň ýerine dolanşykda kimleriň boljakydygyna Türkiýe bilen ABŞ bilelikde karar berer. ÝPG-niň çekilmegine biz gözegçilik ederis. Biziň kriteriýamyz Munbijiň demografik gurluşy” diýdi.
Mewlüt Çawuşogly F-35 harby uçarlary barada bolsa; “Bu ylalaşyk. Tölegleri tölendi. Men hiç hili alada edemok. Ylalaşyk berjaý ediler” diýdi.