Prezident Erdogan ABŞ-e we Russiýa çagyryş berdi
Türkiýäniň Prezident Erdogan Siriýa sebäpli jedelleşýän ABŞ bilen Russiýa çagyryş berip, sebitde ýagdaýlaryň dartgynalaşmagyny dogry görmeýändiklerini belledi
Erdogan Stambulda metbugat işgärlerine beýanat berdi.
Soňky günlerde Siriýa boýunça ýagdaýlaryň dartgynlaşýandygyny ünsleri çeken Erdogan Russiýanyň Prezidenti Wladimir Putin we ABŞ-nyň Prezidenti Donald Tramp bilen geçiren telefon söhbetdeşligi barada: “Siriýadaky wakalary ara alyp maslahatlaşdyk. Siriýada iň gysga wagtda parahatçylygyň ýola goýulmagy üçin nämeler edilip biliner? Bulary ara alyp maslahatlaşmaga mümkinçiligmiz boldy” diýdi.
Siriýada himiki ýaragyň ulanylmagy bilen bagly Erdogan: “Himiki ýaraglar halkara kada-düzgünlerde tapawutly bir ýeri bar bolsada, biz muny netijelendiren mahalymyz ýönekeý ýaraglary bir gyra goýmaýarys” diýdi.
Türkiýäniň Ýaragly güýçleriniň Siriýanyň Afrin sebitinde ekstremist terror guramasy PKK/KCK/PÝD-ÝPG we DAIŞ-e agza terrorçylary täsirsiz ýagdaýa getirmek, sebitiň dost we dogan halkyny basyşdan we zulumdan halas etmek maksady bilen 20-nji ýanwarda başladan Zeýtun şahajygy operasiýasynnyň hem üstünde durup geçen Erdogan terrora garşy göreşlerini tutanýerlilik bilen dowam etdirýändiklerini belledi.
Erdogan: “Biziň göreşimiz terrorçylara garşydyr, bu operasiýa basyp alyjy bir operasiýa däldir. Muny hem bütin Günbataryň, dünýäniň bilmegi möhüm” diýdi.
Degişli Habarlar
Türkiye, Çiliniň kararyna reaksiýa bildirdi
Türkiye, Çiliniň 1915-nji ýyldaky wakalary "genosid" hökmünde ykrar eden kararyna reaksiýa bildirdi
TRT-niň Ispan Dilindäki Digital Ýaýlymlary Başlaýar
Ertir TRT-niň Ispan dilindäki digital ýaýlym platformasy tanyşdyrlar