Türkiýäniň Germaniýadaky ilçihanasyna hüjüm guraldy

Türkiýäniň Germaniýanyň paýtagty Berlindäki ilçihanasynyň öňündäki Polisiýa gullugynyň işgärleriniň budkasyna dumanly bomba zyňan 4 hüjümçi pursatdan peýdalanyp ilçihananyň binasyna boýag doly 8 torba bilen hüjüm guradylar.

Türkiýäniň Berlindäki ilçihanasy Germaniýanyň Daşary işler ministrliginden hüjümçileriň tussag edilmegini we wakanyň derňelmegini talap etdi.

Ilçihana howpsyzlygy üpjün edýän polisiýa işgärleriniň sanynyň artdyrylmagyny hem isledi.