"Türkiýe bir wagtyň özünde birden köp terror guramalary bilen göreşýän ýeke täk ýurt"

Ýyldyrym Çankaýa köşgünde Daşary ykdysady gatnaşyklar geňeşiniň (DEİK) maslahatynda eden çykyşynda: “Terror guramalary PKK, DAIŞ, FETÖ/PDÝ bilen göreşimizi dowam etdirýäris. Bular ýaly ýagdaýda ösmegi bir gyra süýşüriň, öz aýaklarynda durmagy hem uly üstünlikdir” diýdi.

“FETÖ/PDÝ-niň 2016-njy ýylyň 15-nji iýulyndaky şowsyz agdarlyşyk synanyşygy ýaly bir waka başga bir ýurtda başdan geçirilen bolsady duw-dagyn bolardy diýen Binali Ýyldyrym: “Bulam biziň milletimiziň özbaşdaklygyna nähili derejede baglydygynyň görkezijisidir” diýdi.

Beştepe Millet medeniýet we maslahatlar merkezinde 11-nji Galkynyş meýilnamasynyň tanyşdyrylyş masalahatynada gatnaşan Ýyldyrym Siriýanyň Afrin sebitinde Türkiýäniň Ýaragly güýçleri tarapyndan alynyp barylýan Zeýtun şahajygy operasiýasynyň üstünde durup geçip: “Gahryman esgerlerimiziň Afriniň töwereginde emele getiren front liniýalar birleşmäge başlady. Ýakyn wagtda bütin Afrinde terrorçylar hak eden jezalaryny alarlar” diýdi.

Binali Ýyldyrym: “Terrora goldaw berenleri, eli ganly terrorçylary besleýänleri taryhyň öňünde utançlary bilen bile ýüz-ýüze goýarys. Bu milleti taryhyň dowamynda hiç bir güýç ýolundan dändirmedi, mundan soň hem dändirmez” diýdi.