Prezident Erdogan BAE-niň Daşary işler ministrine nägilelik bildirdi
Medinäni basyp almak islän iňlislere we wahabilere garşy söweşip, Muhammet Pygambere degişli zatlary goraýan Osmanly paşasy Fahreddin paşadyr
Türkiýäniň Prezidenti Erdogan BAE-niň Daşary işler ministri Şeýh Abdullah Bin Zaýediň sosial mediada paýlaşan habaryna nägilelik bildirdi.
Prezident kompleksinde geçirilen Arçynlaryň 42-nji maslahatynda gün tertibiniň ileri tutulýan meseleleriniň üstünde durup geçen Erdogan Muhammet Pygambere degişli zatlary goran Fahreddin paşa dil ýetiren Zaýede: “Eý, bizi günäkärleýän gallaç. Fahreddin paşa I Jahan urşynda Medninäni goran mahaly, seniň ata-babaň nirededi?” diýdi.
Fahreddin paşanyň direnişiniň takdyr edilmelidigini aýdan Erdogan: “Fahreddin paşanyň 2 ýyl 7 aýlap goran Medinede eden işleri, görkezen dik duruşy we soňky pursada çenli görkezen gahrymanlygy takdyr edilmelidir. Utanman, ýadaman Erdoganyň ata-babasynyň Mukaddes zatlary ol ýerden alyp, Stambula getirendigini aýdýan bu gallaçlar: bu edilenleriň ady ol ýerleri basyp alyjylara garşy olary öz janyndan geçip goramak diýmekdir” diýdi.
Prezident Erdogan: “Bizi utanman, arman-ýadaman günäkärleýärler. Ilki bilen ýeriňi bil. Sen onda bu milleti tanamansyň, sen Erdogany tanamansyň, Erdoganyň ata-babasyny bolsa hiçem tanamansyň” diýdi.
Erdogan: “Taryhymyzyň ine şu şahsyýetine we onuň Medinede görkezen edermenligine dil uzadanlaryň, şu gün kimler bilen, nirelerde, näme işler edýändigini biz gowy bilýaris. Ýeri gelende olary hem aýan ederis” diýdi.
Degişli Habarlar
Daşary Işler Ministri Fidan Gollandiýada Saparda Bolýar
Hakan Fidan, Gaga şäherinde Gollandiýanyň Premýer-ministri Mark Rutte bilen duşuşdy.
Erdogan Stambulda Žurnalistleriň Soraglaryna Jogap Berdi
Prezident R.T.Erdogan Stambulda Ysraýyl-Eýran dartgynlygy hakynda beýannama berdi.