Mejlis şu gün açylýar

20-nji awgustda öz işine arakesme beren Türkiýäniň Beýik Millet Mejlisi şu gün açylýar.

Mejlisiň 26-njy döwür Ikinji kanun çykaryş ýyly şu gün başlaýar.

Fetullahçy terror guramasy-Parallel döwlet ulgamy FETÖ/PDÝ-nyn 15-nji iýuldaky agdarlyşyk synanşygyndan soň käbir üýtgetmeleriň kabul edilmegi sebäpli Prezident Erdogany saýlanan esgerlerden ybarat harby topar garşylar.

Baş ştab Prezident Erdogany 160 esgerlik harby toparyň garşylajakdygyny mälim etdi.

Prezident Erdogan Mejlisiň täze kanun çykaryş ýylynda etjek çykyşynda Fetullahçy terror guramasyna garşy göreşe ünsi çeker.

Mejlisiň açylyş dabarasyndan soň Mejlisiň Baş Assambleýasynda ilkinji nobatda möhleti 2-nji oktýabrda gutarýan hökümetiň türk esgeriniň Yraga we Siriýa serhet aşa operasiýa guramagy barasyndaky ygtyýarnamasy ara alnyp maslahatlaşylar.

Ygtyýarnamanyň möhlediniň ýene-de 1 ýyl uzadylmagyna garaşylýar.

TBMM-niň täze kanun çykaryş ýylynyň açylmagy sebäpli ýörite banket berler.

Emma 15-nji iýuldaky şehitleriň hormatyna banketde aýdym saz bolmaz.