PKK-nyň hyýanatçylykly hüjümlerine ýene-de biri goşuldy

Bitlis we Elazyg welaýatlarynda hüjüm guraldy

554484
PKK-nyň hyýanatçylykly hüjümlerine ýene-de biri goşuldy

Bitlis welaýatynda ýoldan barýan harby ulağa guralan hüjüm sebäpli 5 esger bilen 1 goragçy şehit boldy.

Hizan etrabynyň çetki obalaryndan birinde guralan hüjümde 7 esger ýaralandy.

Ekstremist terror guramasy PKK Elazyg welaýat İçeri işler müdirligine hem hüjüm gurady.

Elazyg welaýat İçeri işler müdirliginiň binasynyň önünde bomba ýüklenen ulagyň ýarylmagy netijesinde ilkinji kesgitlemelere görä 3 polis gullukçysy şehit boldy.

Wakada 14 sanysy agyr 217 adam ýaralandy.

Terrorçylar bomba ýüklenen ulagy şäher merkezine 6 kilometr alysda ýerleşýän 4 gatly İçeri işler müdirliginiň ulag duralgasynda ýardylar.

Güýçli partlama sebäpli İçeri işler müdirliginiň binasyna agyr zeper ýetdi. Agaçlar agdaryldy, ýerde uly çukur emele geldi.

Hüjümiň dowamynda İçeri işler müdirliginde Fetullahçy terror guramasyna garşy operasiýa guralýardy.

Ankaradaky işlerini bes eden Premýer ministr Binali Ýyldyrym Elazyg welaýatyna bardy.

Premýer ministr Ýyldyrym we oňa Milli goranmak ministri Fikri Yşyk, İçeri işler ministri Efkan Ala we Saglygy goraýyş ministri Rejep Akdag, Respublikan halk partiýasyndan halk deputatlary topary bilen Baş ştabyň başlygy general Hulusi Akar ýoldaşlyk wakanyň bolan ýerinde serljeriş işlerini geçirdi.

Wise-premýer Numan Kurtulmuş atlary tapawutly, emma şol bir eliň kesewisi bolan terror guramalaryna garşy göreşiň, terror dolulygyna ýok edilýänçä dowam etjekdigini aýtdy.

Kurtulmuş twitter arkaly düýn gije Wan welaýatynda, şu gün Elazyg welaýatynda guralan hyýanatçylykly hüjümleri ýazgarýandygyny nygtap: “Hüjümlerde ýaralanan doganlarymyza şypa dileýärin. Şehitlerimize alladan rehnet dileýärin. Hossalaryna sabyr dileýärin. Atlary tapawutly, emma şol bir eliň kesewisi bolan terror guramalaryna garşy göreşimiz teror  dolulygyna ýok edilýänçä dowam eder. Terror guramasynyň adynyň PKK, DAİŞ ýa-da FETÖ bolmagy biziň üçin tapawutsyz. Ýurdumyza, milletimize we adamzada hyýanat edýän terror ýok bolmaga mejburdyr. Ýurudymyza, milletimize, watanymyza, baýdagymyza el uzadýan dönükler, olary gönükdirýänler we hyzmatdaşlary degişli jogaby alarlar” diýip ýazdy.

Milli goranmak ministri Fikri Yşyk bolsa hyýanatçylykly hüjümiň terror guramasynyň asly kürt raýatlaryň hukugyny goramaýandygyny ýene-de bir gezek görkezendigini aýtdy.

Ministr Yşyk: “Global güýçleriň kesewisidiklerini aç-açan görkezýär” diýdi.



Degişli Habarlar