Türkiýäniň Premýer ministri ABŞ-nyň Baş ştabynyň başlygyny kabul etdi

Premýer ministr Binali Ýyldyrym ABŞ-nyň Fetullahçy terror guramasynyň 15-nji iýuldaky harby agdarlyşyk synanyşygyna garşy pozisiýasyny açyk ýagdaýda görkezmeginiň möhümdigini mälim etdi

542788
Türkiýäniň Premýer ministri ABŞ-nyň Baş ştabynyň başlygyny kabul etdi

Türkiýäniň Premýer ministri Binali Ýyldyrym ABŞ-nyň Baş ştabynyň başlygy Ýozef Dunfordy Çankaýa köşgünde kabul etdi.

Ýyldyrym duşuşykda FETÖ-niň ýolbaşçylyk etmeginde 15-nji iýulda geçirilen harby agdarlyşyk synanyşygynyň türk demokratiýasyna we türk milletine garşy ýerine ýetirilmek islenen iň uly howpdygyny, döwletiň we milletiň bu etapdan güýçlenip çykandygyny belläp, Türkiýäniň hyzmatdaşy ABŞ-nyň bu terrorçylykly agdarlyşyk synanyşygyna garşy pozisiýasyny açyk ýagdaýda görkezmeginiň möhümdigini nygtady.

Premýer ministr Ýyldyrym harby agdarlyşyk synanyşygyna gatnaşan adamlara garşy alynyp barylýan derňew işiniň demokratik hukuk döwletiniň ýörelgelerine görä alynyp barylýandygyny aýdyp, ABŞ-da ýerleşýän terror guramanyň lideri Fetullah Güleniň we FETÖ-niň beýleki agzalarynyň iň gysga wagtda Türkiýä tabşyrylmagy baradaky sözlerini ýatlatdy.

ABŞ-nyň Baş ştabynyň başlygy Dunford bolsa 15-nji iýuldaky terrorçylykly agdarlyşyk synanyşygyny iň berk ýagdaýda ýazgarýandygyny, bu saparynyň hem Türkiýäniň hökümetine we milletine goldaw bermek maksady bilen gurandygyny, ABŞ-nyň Türkiýedäki demokratik ulgama berýän goldawynyň ulydygyny we ABŞ-nyň resmileriniň türk resmileri bilen edýän hyzmatdaşlygyny harby ugurda bolşy ýaly, beýleki ugurlarda hem etdirjekdigini mälim etdi.



Degişli Habarlar