“Bizi bölmek isleýänler maksadyna ýetip bilmezler”

Prezident R. T. Erdogan Stambul şäherinde Atatürk adyndaky  howa menziline hüjüm edenleriň terror guramasy DAEŞ-iň agzasy bolup biljekdigini aýtdy.

Prezident Erdogan hüjümçileriň yslam dini bilen arabaglanşykly görkezilmegini hem tankyt etdi.

“Olaryň yslam bilen hiç hili arabaglanşygy ýok. Olaryň ýeri jähennem” diýen Prezident Erdogan terrora garşy göreşde tutanýerlilige ünsi çekdi.

Prezident R. T. Erdogan Fethiýe-Hasan Gümüşdag metjidiniň açylyş dabarasynda sözlän sözünde “Bizi bölmek isleýänler maksadyna ýetip bilmezler”diýdi.