Türk metbugatynyň gysgaça mazmuny

“Hürriýet” gazeti, “Woleýbolçy gyzlar toparyny lider hökmünde tamamlady” söz başyly habarynda, Milletler lisynda we Ýewropa woleýbol çempionadynda uly üstünlik gazanan Türkiýäniň milli ýygyndy zenan woleýbol komandasynyň, Pariž 2024 olimpiada oýunlarynyň seçip alyş bäsleşiklerinde B toparyndaky soňky bäsleşiginde Belgiýany 3-0 hasabynda ýeňendigini ýazýar. Ýaponiýany hem ýeňip olimpiada oýunlaryna gatnaşmaga hukuk gazanan woleýbolçy gyzlar toparyny lider hökmünde tamamlady we yzly yzyna geçiren 22 bäsleşiginde üstünlik gazandy.

“Star” gazeti, “Penje Gulp operasiýasy bilen terrora uly zarba uruldy” söz başyly habarynda, Türk ýaragly güýçleriniň, Yragyň demirgazygynda “Penje Gulp”operasiýasynyň çäginde şu günki güne çenli 605 terrorçyny täsirsiz ýagdaýa getirlendigini, 670 gowagy we gaçybatalgany hatardan çykarandygyny ýazýar.

“Ýenişafak” gazeti, “Türk goranyş senagaty uly üstünlikler gazanýar” söz başyly habarynda, Türkiýäniň deňizlerdäki hak-hukuklaryny we bähbitlerini goramak maksady bilen alnyp barylýan Açyk deňiz howpsuzlyk gämisi taslamasynyň çäginde gurulmagy maksat edinilýän 10 gämiden ilkinji ikisiniň gurluşygynyň Stambulda gämi gurluşyk werfinde dowam edýändigini habar berýär.

“Sabah” gazeti, “Türkiýäniň ilkinji ýerli we milli sürüjisiz metro ulagy işläp başlady” söz başyly habarynda, Kojaelinde 15,4 kilometr uzynlygynda Gebze-Daryja liniýasy üçin ýörite gurlan ýerli we milli sürüjisiz metro ulagynyň düýn dabaraly ýagdaýda ulanylmaga berlendigini habar berýär.

“Habertürk” gazeti, “Stambula 8 aýda 11,5 million syýahatçy geldi” söz başyly habarynda, Medeniýet we syýahatçylyk ministrliginiň 2023-nji ýylyň 8 aýlyk döwründe Stambul şäherine daşary ýurtly 11 million 524 müň 246 syýahatçynyň gelendigini mälim edendigine ünsi çekýär.