Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler.
“Sabah” gazeti “Türkiýe bilen Yragyň arasynda Galkynyş ýoly taslamasy” söz başyly habarynda, Prezident R.T.Erdoganyň Yragyň Premýer-ministri Muhammed Şiýa as-Sudani bilen Ankarada bilelikde metbugat ýygnagyny geçirendigini ýazýar. Pars aýlağyndan Türkiýä çenli uzap gidýän Galkynyş ýoly taslamasynyň iş ýüzüne geçiriljekdigini beýan eden Eredogan; “Gaknyş ýoly taslamasyny sebitimiziň täze Ýüpek ýoluna öwürjekdigimize ynanýaryn” diýdi.
“Haber Türk” gazeti “Türkiýe Ysraýyla aladalaryny beýan etdi” söz başyly habarynda, Prezident R.T.Erdoganyň Ysraýylyň Prezidenti İzak Gerzog bilen telefon arkaly söhbetdeş bolandygyny okyjy köpçüliginiň dykgatyna ýetirýär. Günbatar Şeriada günsaýyn güýçlenýän hüjümlere uly alada bildirýändigini beýan eden Erdogan, Al Aksa metjidiniň taryhy hukuk derejesine we ruhany özbolyşlygyna abanýan howplaryň öňüniň alynmagynyň möhüömdigini mälim etdi.
“Hürriýet” gazeti “Halk ýaranlygynyň dalaşgäri Erdogan” söz başyly habarynda, Prezident R.T.Erdoganyň 14-nji maýda geçiriljek saýlawlarda prezidentlige dalaşgärlik üçin ýüz tutulandygyny mälim edýär. Halk ýaranlygyndan Adalat we ösüş partiýasynyň we Milletçi hereket partiýasynyň wekilleri Erdoganyň prezidentlige dalaşgärligi üçin Ýokary saýlaw geňeşine bilelikde ýüz tutdular.
“Ýeni Şafak” gazeti “Aýasofiýa gül suwy bilen ýuwuldy” söz başyly habarynda, 11 aýyň soltany remezan aýyna bir gün galanda millionlarça musulmanyň şu gün agşam tarawa namazyny okajakdygyny we ilkinji sölänlik bilen orazanyň başlajakdygyny okyjy köpçüliginiň dykgatyna ýetirýär. Mukaddes aý üçin metjitler hem taýýar. Stambulyň ruhany merkezlerinden Aýasofiýa we Aýýup Soltan metjitleri gül suwy bilen ýuwulyp, remezan üçin taýýarlandy.
“Haber Türk” gazeti “Türkiýäniň maksady 60 million syýahatçy” söz başyly habarynda, Medeniýet we syýahatçylyk ministri Mehmet Nuri Ersoýuň 200 ýurtda tanyşdyryş işlerini geçirendiklerini beýan edip, Türkiýä dünýäniň ähli ýurtlaryndan syýahatçylaryň gelýändigini aýdandygyna ünsleri çekýär. Ersoý: “60 million syýahatçyny kabul etme maksadymyz dowam edýär. 2028-nji ýylda 100 milliard dollarlyk syýahatçylyk girdejisini almagy nazarda tutýarys” diýdi.
Degişli Habarlar
Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär.
