Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler.
“Star” gazeti “Erdogan: Bize duşman bolanlara gorkuly bela bolarys” söz başyly habarynda, Milli goranmak uniwersitetiniň Deňiz we harby awiasiýa mekdebiniň Diplom gowşuryş dabarasynda çykyş eden Prezident R.T.Erdoganyň: “Biz indi ýaragly we ýaragsyz uçarmansyz howa ulaglarymyz, uçarmansyz howa hüjüm ulaglarymyz bilen tanalýarys. Ähli ýaraglarymyz bilen dünýäde bize duşman bolanlaryň gorkuly belasy bolarys” diýen sözlerini okyjy köpçüliginiň dykgatyna ýetirýär.
“Hürriýet” gazeti “Türkiýe S-300 meçew bermesini NATO-nyň gün tertibine getirer” söz başyly habarynda, Gresiýanyň Egeý deňizinde gözegçilik uçuşyny amala aşyrýan türk harby uçarlaryna rus önümi S-300 Howa goranyş ulgamy bilen meçew bermegini NATO-nyň gün tertibine getirjekdigini ýazýar. Türkiýe radar ýazgylaryny alýansa agza ýurtlaryň ministrliklerine ugradar.
“Haber Türk” gazeti “Türkiýe OECD-niň we G20-niň iň ýokary ösüş eden 2-nji ýurdy” söz başyly habarynda, Gazna we maliýe ministri Nureddin Nubatiniň ýylyň ikinji çärýeginde 7,6 göterim ösüş eden Türkiýäniň ykdysadyýetiniň Ykdysady galkynyş we hyzmatdaşlyk guramasynyň we ykdysady taýdan ösen 20 ýurtlaryň hatarynda iň ýokary ösüş eden iki ýurt bolandygyny aýdandygyny okyjy köpçüliginiň dykgatyna ýetirýär.
“Ýeni Şafak” gazeti “Blumbergiň üns çekiji analizi” söz başyly habarynda, Türkiýede ösýän ykdysadyýetiň bolmagynň dünýäniň ünsünden sypmaýandygyny mälim edip, “Ekonomist” žurnalynyň analizinden soň üns çekiji beýleki bir analiziň hem “Blumbergde” berilendigini ýazýar. Türk ykdysadyýetiniň ähli bökdençliklere garamazdan durnuklylygyny dowam etdirendigini beýan eden “Blumberg”, Prezident R.T.Erdoganyň “eksport, önümçilik, iş üpjünçiligi” ýörelgesini ýatladyp, Türkiýäniň G20-ä girýän ýurtlaryň ösüş depgininden öňe geçendigini mälim edýär.
“Watan” gazeti “TOGG mart aýynda satuwa çykarylar” söz başyly habarynda, Senagat we tehnologiýalar ministri Mustafa Warankyň Türkiýäniň awtoulagy “TOGG-uň” mart aýynda ulanylmaga başlanjakdygyny aýdandygyny ýazýar. Bursa welaýatynyň Gemlik etrabynda gurluşygy dowam edýän zawoduň 29-njy oktýabrda açyljakdygyny aýdan Warank, C kategoriýasyndaky SUV görnüşli ulagyň şol kategoriýadaky ulaglar bilen basleşjekdigini hem-de deňeçer bahadan bazara çykaryljakdygyny aýan etdi.
