Türk metbugatynyň gysgaça mazmuny

Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar.

1868801
Türk metbugatynyň gysgaça mazmuny

“Haber Türk” gazeti “Daşary işler ministri Mewlüt Çawuşoglynyň möhüm beýanaty” söz başyly habarynda, Daşary işler ministri Mewlüt Çawuşoglynyň düýn beren beýanatynda Siriýada yzgiderli durnuklylygyň we parahatçylygyň ýola goýulmagynyň hökmanydygyny aýdandygyny ýazýar. Ministr Çawuşogly Siriýada oppozisiýa bilen hökümetiň arasynda ylalaşygyň ýola goýulmagy hakynda geçen hepde beren baýanatlarynyň Siriýadaky içerki urşuň bes edilmegi üçin Türkiýäniň edýän tagallasynyň görkezijisidigini nygtady.

“Hürriýet” gazeti “Ministr Akar ukrainaly kärdeşi Reznikow bilen telefon arkaly söhbetdeş boldy” söz başyly habarynda, Milli goranmak ministri Hulusi Akaryň düýn Ukrainanyň Goranmak ministri Oleksii Reznikow bilen telefon arkaly söhbetdeş bolandygyny mälim edýär. Telefon söhbetdeşliginde Ukrainadaky soňky ýagdaýlar bilen galla eksporty hakynda pikir alyşyldy.

“Sabah” gazeti “Tendürek terrordan doly saplandy” söz başyly habarynda, İçeri işler ministri Süleýman Soýlunyň Agry welaýatyndaky Tendürek dagynyň terrorçylardan doly saplanandygyny habar berendigine ünsleri çekýär. Ministr Soýlunyň beýan etmegine görä biri mämişi, biri çal sanawda bolan soňky 2 terrorçy hem täsirsiz ýagdaýa getirilip, Tendürekdäki terror öýjügi doly ýok edildi.

“Ýeni Şafak” gazeti “Wengriýa: “Biz ählisinden isleýäris. Türk goranyş senagatynyň önümlerini almak hakynda karara geldik” söz başyly habarynda, Wengriýanyň Tehnologiýalar we senagat ministri Laslo Palkowiçiň Türkiýä saparynyň çäginde uçarmansyz howa ulaglary boýunça hyzmatdaşlyk hakynda pikir alyşandyklaryny beýan edip; “Wenger goşuny türk goranyş senagatynyň önümlerini almak hakynda karara geldi. Türkiýäniň öndürýän ulaglar harby taýdan täze bir ugur açdy” diýen sözlerini çap edýär.

“Watan” gazeti “Ministr Kasapogly: Yslamy arkalaşyk oýunlarynyň taryhynda medal rekordy dowam edýär” söz başyly habarynda, Ýaşlar we sport ministri Mehmet Muharrem Kasapoglunyň Türkiýäniň Konýa welaýatynda geçirilýän 5-nji Yslamy arkalaşyk oýunlarynda medal rekorduny goýandygyny aýdandygyny ýazýar. Ministr Kasapogly: Häzirki wagta çenli alan 238 medalymyz şol bir wagtda Yslamy arkalaşyk oýunlarynyň taryhynda-da bir rekord. Oýunlaryň taryhynda iň başarjaň ýurt bolduk” diýen sözlerini okyjy köpçüliginiň dykgatyna ýetirýär.



Degişli Habarlar