Türk metbugatynyň gysgaça mazmuny
Gündelik gazetler ýurduň we dünýäniň gün tertibiniň ileri tutulýan ugurlary bilen bagly habarlara giň orun berýärler
Sabah gazedi: "Erdogan Russiýa sapar gurar" söz başyly habarynda, Türkiýäniň Prezidenti Rejep Taýýip Erdoganyň, 5-nji awgustda Russiýa gitjekdigini habar berýär. Erdogan Soçi şäherinde kärdeşi Wladimir Putin bilen galla geçelgesini, Siriýa meselesini, Russiýa-Ukraina söweşini we ikitaraplaýyn gatnaşyklary ara alyp maslahatlaşar.
Star gazedi: "Stambuldaky taryhy ylalaşykdan soň möhüm özgerlişik" söz başyly habarynda, Russiýanyň Goranmak ministrligi tarapyndan düýn berilen beýanatda, galla geçelgeçi ylalaşygynyň çäginde Stambulda döredilen Umumy Koordinasiýa merkeziniň işlerine başlandygyny aýdandygyny mälim edýär.
Hürriýet gazedi: "Ministr Dönmez sene berdi" söz başyly habarynda, Energetika we tebigy serişdeler ministri Fatih Dönmeziň 9-njy awgustda "Abdülhamid Han" gämisiniň Mersin welaýatynyň Taşuju portyndan iş alyp barjak ýerine ugradyljakdygyny aýdandygyny okyjy köpçüliginiň dykgatyna ýetirýär.
Haber Türk gazedi: "Halkara Pul gaznasy Türkiýäniň ösüş çaklamasyny ýokarlandyrdy" söz başyly habarynda, Halkara Pul gaznasynyň Türkiýäniň ykdysadyýetiniň şu ýyl üçin ösüş çaklamasyny 2,7 göterimden 4 göterime ýokarladandygyny beýan edýär.
Ýeni Şafak: "Türk ýaragly uçarmansyz howa ulagy Baýraktar TB2-niň täze alyjysy Aziýadan" söz başyly habarynda, ABŞ we Ýewropa ýurtlary tarapyndan ýakyndan gözegçilik edilýän Türk uçarmansyz howa ulaglary üçin täze bir alyjynyň tapylandygyny aýan edýär. Esasan hem Ukraina-Russiýa we Azerbaýjan-Ermenistan söweşlerindäki güýji bilen ünsleri özüne çeken Baýraktar TB2-ler üçin dünýäniň ençeme ýurdy nobata durdy. Türkiýäniň ýaragly uçarmansyz howa ulaglarynyň soňky alyjysy bolan Bangladeş döwleti boldy.
