Türk metbugatynyň gysgaça mazmuny
Gün tertibiniň ileri tutulýan ugurlary hakyndaky habarlar gündelik gazetlerde giň seslenme döredýär
Hürriýet gazedi: "Russiýanyň S-400 bilen bagly beýanaty: Türkiýe egilşik etmeýär" söz başyly habarynda, Russiýanyň hökümetiniň metbugat sekretary Dmitriý Peskowyň, Türkiýäniň rus S-400 howa goranyş ulgamlaryny satyn alandygy üçin ABŞ tarapyndan girizilen sanksiýalary tankyt edendigini aýdandygyny habar berýär. Türkiýäniň şol sanksiýalara egilşik etmeýändigini aýdan Peskow, Türkiýäniň ýene-de bir S-400 howa goranyş ulgamlaryny satyn almagy meýilleşdrýändigini beýan etdi.
Watan gazedi: "Ministr Soýlu: 3 müň 250 polisiýa işgärimiz Katarda geçiriljek Bütindünýä Futbol çempionatynda iş alyp barar" söz başyly habarynda, Türkiýäniň Içeri işler ministri Süleýman Soýlunyň: "3 müňi OMON bolmak bilen jemi 3 müň 250 polisiýa işgärimiz Katarda geçiriljek FIFA 2022 Bütindünýä Futbol çempionatynda iş alyp barar" diýendigini mälim edýär.
Star gazedi: "Ministr Muş habar berdi: Iki belgili ösüş görkezijilerine ýetjekdigimize ynanýarys" söz başyly habarynda, Türkiýäniň Söwda ministri Mehmet Muşyň: "Eksportymyzdaky ýokary depginli ösüş we eksportyň hem itergi berýän önümçilik artyşy bilen köpelen täze maýa goýumlar bilen, ýylyň ahyrynda Orta möhletli programma ösüş maksatnamamyz bolan 9 göterimden hem geçjekdigimize we 2 belgili ösüş görkezijilerine ýetjekdigimize ynanýarys" diýendigini okyjy köpçüliginiň dykgatyna ýetirýär.
Ýeni Şafak gazedi: "Italiýa eksportda rekord täzelendi" söz başyly habarynda, Türkiýäniň Italiýa oktýabr aýynda 1 milliard 26 million dollar bolan aýlyk eksport rekordyny noýabr aýynda 1 milliard 39 million dollara ýetirendigini we rekordyny täzeländigini aýan edýär. Awtoulag senagaty noýabr aýynda Italiýa 181,4 million dollar derejesinde eksport amala aşyrdy.
Sabah gazedi: "TPAO Respublika taryhynyň rekordyny täzelemäge taýarlanýar" söz başyly habarynda, Türkiýäniň nebit anonim hyzmatdaşlygynyň (TPAO), nebit önümçiliginde täze ýylyň maksatnamalaryny kesgitländigini beýan edýär. TPAO-nyň Baş müdüri Melih Han Bilgin, Batman sebitinde 50 müň barrel bolmak bilen beýleki sebitler bilen birlikde gündelik nebit önümçiligini jemi 65 müň barrele ýetirip, täze ýylda Respublika taryhynyň nebit rekordyny täzelemäge taýarlanýandyklaryny habar berdi.
