Türk metbugatynyň gysgaça mazmuny
Ýurduň we dünýäniň gün tertibiniň ileri tutulýan ugurlary bilen bagly habarlar gündelik gazetlerde giň beýan tapýar
“Haber Türk” gazeti “Prezident Erdogan: ABŞ Eýrana sanksiýalaryny bes etmeli” söz başyly habarynda, Prezident R.T.Erdoganyň Eýranyň Prezidenti Hasan Ruhani bilen telefon arkaly telefon arkaly söhbetdeşlik geçirip, ABŞ-nyň täze hökümetiniň Eýrana goýulan bir taraply sanksiýalary bes edip, Eýranyň halkynyň abadançylygynyň öňündäki nähak bökdençlikleri aýyrmagyna garaşýandyklaryny, soňky birnäçe günde mesele goýunça berilen beýannamalaryn täze şertleriň ýüze çykmagyna mümkinçilik döretjekdigini aýdandygyny ýazýar.
“Sabah” gazeti “Fahrettin Altun: PKK-nyň gyrgynçylyklaryny ýatdan çykartmarys” söz başyly habarynda, Kommunikasiýalar edarasynyň Başlygy Fahrettin Altunyň soňky gezek Yragyň Gara etrabynda zamunlykda saklanýan 13 sany goragsyz raýaty şehit eden ekstremist terror guramsy PKK-nyň gyrgynçylyklary bilen bagly wideo ýazgy ýaýradandygyny mälim edýär. Altun: “ Ganhor terror guramasy PKK 1984-nji ýyldan bäri Türkiýede bäbekleri, çagalary, ýaşlary, garrylary gyrýar. Başgalary görmediksireýän hem bolsa bäbek ganhory PKK-nyň gyrgynçylyklaryny ýatdan çykarmadyk, çykartmarys” diýdi.
“Watan” gazeti “Russiýanyň Türkiýe bilen S-400 hakyndaky bilelikdäki önümçilik beýannamasy” söz başyly habarynda, Russiýanyň Federal Harby-tehniki hyzmatdaşlyk gullugynyň başlygynyň orunbarasy Alekseý Frolkin S-400 howa goranyş ulgamynyň Türkiýe bilen bilelikde öndürilmegi hakynda beýannama berip, Ankara bilen harby-tehniki hyzmatdaşlygyň dürli ugurlary boýunça gepleşikleriň dowam edýändigini aýdandygyny ýazýar.
“Hürriýet” gazeti “Türkiýä gönüden daşary ýurt maýa goýumlarynyň artmagyna garaşylýar” söz başyly habarynda, Türkiýede ykdysadyýet we hukuk ugurlaryndaky özgertmeleriň gönüden maýa goýumlary artdyrmagyna garaşylýan bolsa, bu tapgyrda daşary ýurtlularyň awtoulag, öý-hojalyk enjamlary, kompýuter tilsimaty we logistika pudaklary bilen bolan gyzyklanmanyň artmagyna garaşylýandygyny ýazýar.
“Star” gazeti “Biodizel bilen işleýän ilkinji generator Türkiýede öndürildi” söz başyly habarynda, Stambulda ýerleşýän “Arken Generator” firmasynyň dünýäde diňe biodizel ýangyjy bilen işleýän generatorlaryň prototipini öndürendigine ünsleri çekýär. Biodizel, ösümlik we haýwan galynlaryndan emele gelýän dizeliň gaýtadan işlenmegini aňladýar. Doly biodizel bilen işleýän generatoryň patentini hem alan “Arken Generator” orta möhletde prototipini satmagy meýilleşdirýär.
